I dehur në timon tentoi të korruptojë policinë rrugore, arrestohet 59-vjeçari

Një 59-vjeçar nga Lushnja është arrestuar nga Policia Rrugore në Durrës, pasi u kap duke drejtuar automjetin në gjendje të dehur dhe tentoi të korruptonte punonjësit e Policisë.

Gjatë patrullimeve në zonën e Plepave, efektivët ndaluan automjetin e drejtuar nga shtetasi me iniciale I. Y., për verifikime. Pas kërkesës për të kryer testin e alkoolit, ai ofroi 10 mijë lekë të vjetra me qëllim shmangien e testimit dhe arrestimit.

Testi i kryer nga Policia tregoi se 59-vjeçari kishte një nivel alkooli prej 0.86 mg/l, mbi normën e lejuar.

Në përfundim të veprimeve procedurale, shtetasi I. Y. u arrestua për veprat penale “Korrupsioni aktiv i personave që ushtrojnë funksione publike” dhe “Drejtimi i automjeteve në mënyrë të parregullt”, si dhe materialet i kaluan Prokurorisë, për veprime të mëtejshme.

LEXONI GJITHASHTU:

• Ndezi qëllimisht një qiri për t’i djegur banesën motrës, arrestohet gruaja në Tiranë
• Trafikoi 20 kg kokainë, arrestohet me qëllim ekstradimin në Itali Fatmir Isollari