Trafikoi 20 kg kokainë, arrestohet me qëllim ekstradimin në Itali Fatmir Isollari

Fatmir Isollari i njohur ndryshe edhe si Fatmir Cenka është arrestuar pas një operacioni policor të koduar “Operacionalja 23”.

Isollari rezulton i dënuar nga autoritetet italiane, me 7 vjet burgim, për pjesëmarrje në organizatë kriminale për trafikim të lëndëve narkotike, kapet në Berat dhe arrestohet me qëllim ekstradimin, 58-vjeçari.

Gjatë periudhës 2002-2003, kjo organizatë kriminale trafikoi 20 kg kokainë nga Shqipëria në Firence.

Njoftimi i policisë:

Si rezultat i veprimeve operacionale të kryera pas koordinimit të informacioneve me homologët e Policisë italiane, në kuadër të operacionit policor “Operacionalja 23”, u lokalizua në qytetin e Beratit, u kap dhe u vu në pranga shtetasi:

Fatmir Isollari alias Fatmir Cenka, 58 vjeç, banues në Berat.

Ky shtetas ishte shpallur në kërkim ndërkombëtar nga Drejtoria e Interpolit, pasi Gjykata e Apelit e Firences, Itali, në vitin 2023, e ka dënuar me 7 vjet burgim, për pjesëmarrje në organizatë kriminale për trafikim të lëndëve narkotike.

Interpol Tirana po bashkëpunon me Interpol Romën, për të finalizuar procedurat për ekstradimin e këtij shtetasi, në Itali.

LEXONI GJITHASHTU:

• Inceneratori i Tiranës, nis seanca e parë në GJKKO për ish-deputetin Alqi Bllako
• Kryetarja e Bashkisë Lushnjë paraqitet në SPAK