Hetimet ndaj Veliajt, SPAK ushtron kontrolle në depon e galerisë “Harabel”

Në kuadër të hetimeve të kryera ndaj kryebashkiakut të Tiranës, Erion Veliaj, SPAK ka ushtruar kontrolle në një ambient të përdorur nga galeria private e artit “Harabel”, ku bashkëthemeluese është bashkëshortja e tij, Ajola Xoxa.

Burime për Euronews Albania konfirmojnë se bëhet fjalë për një depo ku mbahen materiale të ndryshme për artistët, si bojra dhe materialet e tjera përkatëse.

Kontrolli është realizuar të martën nga agjentët e BKH me vendim të Gjykatës së Posaçme të Shkallës së Parë.

Ky veprim nga ana e hetuesve vjen pas kontrolleve të ushtruar në muajin dhjetor në banesën e kryebashkiakut, ku me urdhër të prokurorit Ols Dado agjentët e BKH sekuestruan celularin e bashkëshortes Xoxa, si dhe ushtruan kontrolle në qendrën “Harabel”.

Veprimet e organit të akuzë vijnë pas nisjes së hetimit pasuror për kryebashkiakun dhe familjarët e tij.

LEXONI GJITHASHTU:

• Reagon Veliaj: Jam i hapur ndaj drejtësisë, opozitarët të zhytur në llum
• Veliaj në SPAK/ Karamuço: Ja çfarë pritet tjetër nga hetimet