Emri| Arrestohet autori që qëlloi për vdekje 81-vjeçarin në Tiranë

Policia ka arrestuar autorin e dyshuar për vrasjen e 81-vjeçarit Xhemal Meta, i cili u gjet pa shenja jete në banesën e tij në fshatin “Shëngjin i Vogël”.

Fillimisht ngjarja u raportua si aksdentale, por ishte ekspertiza mjeko-ligjore e cila provoi se i moshuari ishte qëlluar me sende të forta në pjesën e pasme të kokës.

Burime bëjnë me dije se autori i arrestuar është shtetasi Isuf Hasa.

Ende nuk dihen motivet e krimet të rëndë ndërkohë që policia po vijon hetimet për të zbuluar nëse ka pasur bashkëpunëtorë dhe për të zbardhur të gjitha rrethanat e ngjarjes.

Në një intervistë ekskluzive për Euronews Albania, djali i viktimës deklaroi se familja e tij nuk ka konflikte me asnjë njeri.

Sipas tij, babain e gjetën të shtrirë për tokë dhe të gjakosur në hyrje të banesës dhe fillimisht dyshuan se ishte një ngjarje aksidentale.

I biri tha se shtëpia nuk ishte grabitur, por mungonte vetëm kuleta personale e të atit e cila nuk iu gjet në xhep.

“Nuk kemi pasur gjë brenda për ta vjedhur. Gjërat personale që kishte me vete, kuleta nuk është gjetur. Nuk kam asnjë dyshim pasi nuk kemi pasur konflikte të dyshoj tek dikush. Kjo është zonë e qetë, s’ka ndodhur kurrë gjë”, tha ai.

LEXONI GJITHASHTU:

• Ekskluzive| Flet djali i të moshuarit që u gjet i vrarë në Tiranë: I mungonte kuleta
• I moshuari që u gjet i pajetë në oborrin e shtëpisë dyshohet se është vrarë