Vranë dhe grabitën një person në Mallakastër, Prokuroria çon për gjykim 3 autorët

Prokuroria në Fier ka përfunduar hetimet lidhur me një ngjarje të rëndë të ndodhur në vitin 2022 ku tre persona kanë grabitur me armë banesën e një personi në Mallkastër. Sipas hetimeve gjatë grabitjes ata kanë dhunuar fizikisht C.Sh., i cili si pasojë e plagëve të marra në fytyrë dhe në trup, humbi jetën.

Tre personat M.G., E.H. dhe F.Ç., janë dërguar në gjykim për veprat penale Vjedhja me pasojë vdekjen” e kryer në bashkëpunim, parashikuar nga neni 141 i Kodit Penal dhe “Mbajtja pa leje dhe prodhimi i armëve, armëve shpërthyese dhe i municionit” parashikuar nga neni 278 prg.1 i Kodit Penal.

Njofitmi i Prokurorisë:

Nga hetimet e zhvilluara në bashkëpunim me Drejtorinë Vendore të Policisë në kuadër të procedimit penal nr.1394/2022, u arrit të provohet se, në datën 19.11.2022, rreth orës 02:00, në fshatin Klos, Bashkia Mallakastër, shtetasit M.G., E.H., F.Ç. në bashkëpunim me njeri-tjetrin, kanë vjedhur me armë banesën e shtetasit C. Sh., të cilin edhe e kanë dhunuar fizikisht. Si pasojë e plagëve të marra në pjesën e fytyrës dhe të trupit, shtetasi C. Sh ndërroi jetë.

Në përfundim të hetimeve organi i akuzës ka përpiluar edhe kërkesën për dërgimin e çështjes në gjyq në ngarkim të pandehurve M.G., E.H., F.Ç. për veprën penale “Vjedhja me pasojë vdekjen” e kryer në bashkëpunim, parashikuar nga neni 141 i Kodit Penal dhe “Mbajtja pa leje dhe prodhimi i armëve, armëve shpërthyese dhe i municionit” e parashikuar nga neni 278 prg.1 i Kodit Penal.

LEXONI GJITHASHTU:

• Vrau me sende të forta 81-vjeçarin, gjykata lë në burg autorin
• Vranë 33-vjeçarin se u ngacmonte motrën, gjykata lë në burg vëllezërit në Shkodër