Vranë 33-vjeçarin se u ngacmonte motrën, gjykata lë në burg vëllezërit në Shkodër

Gjykata e Shkodrës e ka cilësuar të ligjshëm arrestimin dhe ka dhënë masën e sigurisë arrest me burg për 2 vëllezërit Arjon dhe Klisman Hasaj, autorw të dyshuar të vrasjes së 33-vjeçarit Ramazan Mataj në Dragoç të Postribës.

Pala mbrojtëse ka kërkuar arrest shtëpie për Klisman Hasaj, por nuk është pranuar nga gjykata.

Të dy të arrestuarit nuk kanë deklaruar asgjë në gjykatë, përballë  gjyqtares Irida Barkaj.

Dy ditë më parë Arjon Hasaj ka pranuar para hetuesve se është autori i vrasjes së 33-vjeçarit Ramazan Mataj, ngjarje e ndodhur mbrëmjen e 4 janarit në fshatin Dragoç të Shkodrës. Hasaj ka marrë përsipër kryerjen e krimit dhe ka shpjeguar motivin që e shtyu drejt këtij akti të rëndë.

Hasaj pranon se vrasjen e kreu  nga një lidhje dashurie që Ramazan Mataj kishte me motrën e tij prej 6 vitesh. Ai tha se gjatë kësaj periudhe, Mataj kishte shkatërruar dy martesa të motrës së tij dhe se kishte shpërndarë video intime të saj te ish-burrat dhe persona të tjerë në fshat.

LEXONI GJITHASHTU:

• “I prishi motrës 2 martesa, i shpërndante video”- Flet autori i vrasjes në Shkodër
• Viktima fliste me motrën e martuar të autorëve, çfarë dihet nga vrasja në Shkodër