5400 vende të lira pune, në cilat fusha dhe qytete dominojnë më shumë kërkesat?

Bizneset në vend kërkojnë punëtorë krahu në ndërtim, hidraulikë, saldatorë, marangozë, mobilierë, shitës dhe profesione te tjera. Në faqen online të Agjencisë Kombëtare të Punësimit, ata kanë çuar kërkesat me 5400 vende të lira gjithsej.

Në stinën e dimrit, dominojnë kërkesat nga industria përpunuese, ndërtimi e teknologjia e informacionit, ndërsa Tirana, ku ndodhen më shumë biznese, Durrësi dhe Shkodra janë qytetet me më shumë vende vakante.

Vitin e kaluar Agjencia Kombëtare ka punësuar me ndërmjetësim rreth 25 mijë punëkërkues, nga 70 mijë që janë të regjistruar në sistem.

Kjo shifër, në kushtet kur bizneset vuajnë për fuqi punëtore, tregon se kërkesa dhe oferta për vende pune, nuk përputhen në tregun tonë për shkak të pagës dhe kushteve që ofrohen.

Ndërkohë, thirrjen për t’u regjistruar në portalin e punësimit e ka bërë edhe kryeministri, i cili fton emigrantët shqiptarë të krijojnë mundësi  të reja në vendin tonë.

LEXONI GJITHASHTU:

• KE: Ekonomia në Shqipëri do ngadalësohet në 2025, bie ritmi i punësimit e turistëve
• Basha takim me biznesin: Taksa e sheshtë 9% do rrisë punësimin dhe rrogat