KE: Ekonomia në Shqipëri do ngadalësohet në 2025, bie ritmi i punësimit e turistëve

Ekonomia shqiptare pritet të rritet me 3.6% në vitin 2025.

Parashikimi është bërë në raportin e vjeshtës të Komisionit Europian, ndërsa shifra rishikohet me ulje, pasi pritshmëritë në fillim të vitit ishin për rritje 3.8%.

Në analizë, KE pret që punësimi të rritet, por jo me hapin e viteve të fundit, dhe ky frenim do të ndikohet nga emigracioni dhe rënia e popullsisë. Po ashtu, edhe ritmi i rritjes së turistëve pritet të ngadalësohet në vitin 2025.

Përmirësimi i ngadaltë i punësimit do të ndikojë negativisht mbi konsumin.

Nga faktorët e jashtëm, eksportet pritet të zgjerohen.

Duke u ndalur te rreziqet që i kanosen ekonomisë, KE veçon luhatshmërinë e kursit të këmbimit dhe nevojës për punonjës të kualifikuar.

Emigracioni i këtyre të fundit shihet si problem madhor. Madje largimin e “trurit” e nxjerrin edhe rezultatet e Censit, që treguan rënie masive të popullsisë në moshë pune.

Sipas KE, për 2025-2026 rritja e Prodhimit të Brendshëm Bruto parashikohet të arrijë në 3.6% dhe 3.5%, një rritje kjo e moderuar dhe e qëndrushme.

LEXONI GJITHASHTU:

• Nga porti i ri te zgjerimi i autostradës Tiranë-Durrës, investimet për vitin 2025
• Buxheti i shëndetësisë për 2025, Koçiu: Tejkalon 1 miliardë euro
• Buxheti për 2025-ën do të jetë 8.2 miliardë euro: Ulet borxhi, shtohet administrata