“21 janari kishte axhendë të dhunshme”, Berisha: Organizator është vetëm një, Rama

Sali Berisha reagoi lidhur me ngjarjen e 21 janarit, duke e akuzuar kryeministrin Edi Rama si organizatorin e protestës së vitit 2011.

Gjatë një konference për shtyp, Berisha theksoi se protesta e 21 janari kishte një agjendë politike të dhunshme, një qëndrim që ka qenë konfirmuar sipas tij nga “institucionet më serioze”.

Ai gjithashtu përmendi një deklaratë ku sipas tij qeveria amerikane kërkonte hetim mbi rolin e Edi Ramës si organizator të protestës.

Në lidhje me viktimat e asaj ngjarje, Berisha tha se i kishte  shprehur ngushëllimet e tij dhe kishte bërë thirrje për një hetim ndërkombëtar për këtë çështje.

“Ka një deklaratë nga qeveria amerikane, e cila kërkon hetim nga policia për organizatorin që është Edi Rama. Ata që nuk duan të mashtrojnë veten dhe që nuk duan ta përdorin fatkeqësinë e të tjerëve për ushqim politik, duhet ta dinë se në këto 14 vite prokuroria ka qenë e Edi Ramës”.

LEXONI GJITHASHTU:

• 21 Janari, Rama: Akuza të adresuara gabim, kemi bërë betejë historike për drejtësinë
• Nga “21 janari” te politikanët në përgjimet e Sky ECC, flet kreu i SPAK