Shiste lëndë narkotike në afërsi të shkollave në Durrës, arrestohet 41-vjeçari

Elvis Babaliu 41 vjeç është arrestuar në kuadër të operacionit “Cleaning” në Durrës. Ky person është arrestuar në flagrancë pasi shiste lëndë narkotike në afërsi të shkollave.

Polcia ka njoftuar se ka sekuestruar sasinë e lëndës narkotike kanabis të ndarë në doza, gati për shitje, që iu gjet 41-vjeçarit, gjatë kontrollit fizik.

Njoftimi i policisë:

Specialistët për Hetimin e Narkotikëve të DVP Durrës, në bashkëpunim me shërbimet e Forcës së Posaçme “Shqiponja”, bazuar në informacionet e siguruara në rrugë operative për një rast të shitjes së dozave të kanabisit, organizuan dhe finalizuan operacionin policor të koduar “Cleaning”.

Gjatë operacionit, u kap dhe u arrestua në flagrancë shtetasi E. B., 41 vjeç, banues në Durrës.

Shërbimet e Policisë, gjatë kontrollit fizik ndaj 41-vjeçarit, gjetën dhe sekuestruan disa doza të lëndës së dyshuar narkotike kanabis. Në momentin e kapjes, 41-vjecari ishte bashkë me 5 nxënës të një shkolle 9-vjeçare, të cilëve dyshohet se do t’iu shiste lëndë narkotike.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Shiste lëndë narkotike në Durrës, arrestohet 35-vjeçari i shpallur në kërkim (Emri)
• E thirrën jashtë lokalit dhe e qëlluan, identifikohen 2 autorët e ngjarjes në Orikum