Makina përfshihet nga flakët në Unazën e Madhe, shpëton shoferi

Një makinë ka marrë flakë këtë të premte në Unazën e Madhe, pranë urës së Paskuqanit.

Sipas informacioneve të para, flakët kanë përfshirë automjetin ndërsa ishte në lëvizje, por fatmirësisht, nuk raportohet për të lënduar.

Drejtuesi i mjetit ka arritur të dalë në kohë dhe të largohet nga makina, duke shmangur çdo rrezik.

Forcat e policisë dhe zjarrfikësit kanë mbërritur menjëherë në vendngjarje dhe kanë shuar flakët. Aktualisht, po punohet për zbardhjen e shkakut të incidentit.

Policia ka bllokuar një pjesë të rrugës për të mundësuar veprimet e shërbimeve, duke i kërkuar drejtuesve të mjeteve të tregohen të kujdesshëm në këtë zonë.

Ende nuk dihen detaje të tjera lidhur me shkakun e zjarrit, ndërkohë që autoritetet po vijojnë hetimet.

LEXONI GJITHASHTU:

Prej disa ditësh i zhdukur, gjendet trupi i pajetë i 54-vjeçarit në Korçë

Tiranë, 15-vjeçari shkon i plagosur në shtëpi, babai e dërgon në spital