Tiranë, kapet me armë zjarri në automjet, arrestohet 25-vjeçari me precedent penal

Policia e Tiranës ka arrestuar një 25-vjeçar që lëvizte me armë zjarri pistoletë me silenciator në automjet. Në pranga ka rënë edhe pasagjeri, i cili akuzohet për moskallëzim krimi.

Policia me anë të operacionit “Weekend”, ka ndërhyrë në zonën e Laknasit teksa ka ndaluar një automjet me dy persona brenda.

Gjatë kontrollit, në mjet është gjetur një pistoletë me silenciator dhe një krehër me municion luftarak, të cilat u sekuestruan në cilësinë e provës materiale, së bashku me automjetin dhe tre celularë.

Në përfundim të operacionit u arrestuan:

• Sandriano Kastrati, 25 vjeç, banues në Laknas, me precedent penal për armëmbajtje pa leje, i cili akuzohet për “Prodhimi dhe mbajtja pa leje e armëve dhe municionit luftarak”.
• Olsjan Musollari, 21 vjeç, banues në Laknas, i cili akuzohet për “Moskallëzimi i krimit”.

Policia vijon hetimet për zbardhjen e plotë të rrethanave të ngjarjes.

LEXONI GJITHASHTU:

• EMRI| Lëvizte i armatosur duke shkelur arrestin e shtëpisë, arrestohet 23-vjeçari
• Të shtënat me armë zjarri në Malësi të Madhe, policia zbardh ngjarjen