Aksident në Qafë të Qarrit, mjeti përplaset me barrierat, shmanget rënia në humnerë

Një aksident i frikshëm ka ndodhur në Qafë të Qarrit, ku një automjet tip “Benz” ka humbur kontrollin dhe është përplasur me barrierat mbrojtëse të rrugës. Fatmirësisht, barrierat kanë parandaluar rënien e mjetit në humnerë, duke shmangur pasoja edhe më të rënda.

Si pasojë e aksidentit, drejtuesi i mjetit ka mbetur i plagosur dhe është transportuar menjëherë në spitalin e Korçës për ndihmë mjekësore.

Paraprakisht dyshohet se shkak i aksidentit ka qenë shpejtësia e lartë, që ka bërë që drejtuesi të humbasë kontrollin mbi automjetin.

Policia ndodhet në vendin e ngjarjes dhe po vijon hetimet për të zbardhur shkaqet e plota të aksidentit.

LEXONI GJITHASHTU:

• Aksident në Përmet, automjeti del nga rruga, lëndohet shoferi
• Korçë, 62-vjeçari gjendet i vdekur në oborrin e banesës/ Çfarë dyshohet