64% e shqiptarëve mendojnë se PS fiton zgjedhjet, Tela: Mungojnë alternativat

Analisti Andi Tela ishte këtë të mërkurë i ftuar në “Barometri” në Euronews Albania ku tha se shqiptarët “vuajnë” mungesën e alternativave në politik.

Duke komentuar sondazhet ku 64% e shqiptarëve të pyetur mendojnë se do të jetë Partia Socialiste ajo që do të fitojë zgjedhjet e 11 majit, Tela tha se këto rezultate vijnë edhe pse qytetarët janë të pakënaqur, pasi sipas tij ata nuk mendojnë se ka një alternativë tjetër fituese.

“Kjo 64% që mendojnë se PS do fitojë zgjedhjet, kur janë pyetur më herët 70% kanë thënë se PS nuk ka bërë asgjë. Kur i pyet a është Shqipëria e korruptuar, ata thonë po. Dëshira e njerëzve mund të jetë pafund që kjo qeveri nuk do duhet të qeverisë më  dhe duhet ta marrë dikush tjetër, por në mungesë të alternativave ata e dinë se kush do e fitojë garën, se këta kanë edhe arbitrin dhe gjithë federatën me vete”,-tha Tela.

LEXONI GJITHASHTU:

• Çfarë mendojnë shqiptarët për vendin e tyre? Analiza e detajuar e Dimitris Mavros
• “Ku fshihet djalli” – Mavros tregon 2 armiqtë e vërtetë të qeverisë në zgjedhje