Çfarë mendojnë shqiptarët për vendin e tyre? Analiza e detajuar e Dimitris Mavros

Presidenti i MRB, Dimitros Mavros analizoi gjetjet e Barometrit në Euronews Albania lidhur me perceptimin e qytetarëve lidhur me situatën ekonomike dhe të përgjithshme në vend më pak se 100 ditë para zgjedhjeve të 11 majit.

Mavros tha se indikatorët janë në vlera më të larta se ato “që kemi pasur 2021, të gjithë këta indikatorë janë në vlera më të mira sa i përket vendit familjes dhe gjendjes së përgjithshme”.

“Indikatorët janë në vlera më të larta se ato që kemi pasur 2021, të gjithë këta indikatorë janë në vlera më të mira sa i përket vendit familjes dhe gjendjes së përgjithshme. E dyta, nëse ndiqni përqindjet e larta dhe të ulëta për sa i përket gjendjes familjare, përqindja më e ulët që ne kemi në lidhje me përgjigjet pozitive është 32, 5 % deri në 45, 5 %, që do të thotë që ky boshllëk ose përqindjet e këtyre indikatorëve për sa i përket vendit është 33 deri në 46 për qind. Dhe për sa i përket gjendjes familjare përqindjet janë nga 40-53 për qind dhe do të doja që ta mbanit parasysh këtë lloj përqindjeje sepse kemi një mesatare prej 40, 37 për qind dhe do të duam ta krahasojmë këtë mesatare pozitive me qëllimin për të votuar që do ta shohim më vonë dhe do ta shihni që ka lidhje, ndaj e përmenda që gjendja e popullatës është për të verifikuar përgjigje e tjera brenda sondazhit”, tha Mavros.

LEXONI GJITHASHTU:

• Në ç’gjendje janë shqiptarët 96 ditë përpara zgjedhjeve. Barometri zbulon shifrat
• Cilat janë problemet kryesore të shqiptarëve para zgjedhjeve. Gjetjet e Barometrit