Grenell sulmoi Kurtin! Dugolli tregon nëse do të ketë ndikim deklarata në zgjedhje

Këtë të dielë, në Kosovë votojnë rreth 2 milionë qytetarë për zgjedhjet e tyre. Një çështje diskutimi është nëse në këto zgjedhje do të ketë ndikim deklarata e një prej zyrtarëve më të lartë të Administratës së presidentit të SHBA-ve, Richard Grenell. Ai ka “sulmuar” ashpër Albin Kurtin duke deklaruar se ai nuk është i besueshëm për SHBA-të.

Për të folur rreth kësaj çështje, i ftuar në Euronews Albania ishte profesor Bujar Dugolli.

Ai tha nuk e sheh si diçka dhe aq të mirë ndërhyrjen e SHBA-vë në zgjedhjet e Kosovës pasi për zgjedhjet në SHBA, ndikimi i Kosovës është i parëndësishëm.

“Kam bërë një postim që nuk është shumë e mirë fakti që lë një shije të mirë nga ana e zyrtarëve amerikanë. Jemi mësuar që shqiptarët si andej dhe këtej, ti tregojnë preferencat e tyre në zgjedhjet e SHBA-ve, pra dikush pro demokratëve dhe dikush pro republikanëve, por mendoj se ndikimi jonë në zgjedhjet në Amerikë është i parëndësishëm. Sa i përket Grenell dhe deklaratave të tij, ne i dimë pakënaqësitë që ka. Mendoj se nuk do kenë ndonjë ndikim deklaratat që dëgjuam më herët. Ashtu siç është thënë vazhdimisht nga diplomatë dhe ambasadorë, Kosova është më pro amerikanja që ekziston. Si qeveritë dhe lidershipi i këtij shteti të ri, del nga vullneti i popullit. Ky vullnet i popullit përcakton kush do të jetë kryeminstër apo deputet. Nga e kaluara mësojmë se SHBA mbështet atë që është vullnet i popullit dhe punon me ta”, ka thënë Dugolli.

LEXONI GJITHASHTU:

• Kush i fiton zgjedhjet në Kosovë? Befason politologu Spahiu!
• Kosova zgjedh sot qeverinë e re, çfarë dimë deri më tani