Zgjedhjet në Kosovë, zëvendëskryeministri i parë i Maqedonisë së Veriut uron Kurtin
Zëvendëskryeministri i parë i Maqedonisë së Veriut, Izet Mexhiti, ka uruar Albin Kurtin për fitoren në zgjedhjet parlamentare të Kosovës, duke e cilësuar atë si një ngadhnjim të drejtës dhe një shembull frymëzues për rajonin.
Në një postim në rrjetet sociale, Mexhiti ka shprehur përgëzimet e tij të sinqerta për Albin Kurtin dhe Lëvizjen VETËVENDOSJE!, duke theksuar se kjo fitore është një shembull i fuqishëm se e drejta mund të triumfojë, edhe kur duket e pamundur.
“Fitore me zemër cep më cep Kosovës! Urime të përzemërta i dashur vëlla Albin, urime VETËVENDOSJE! Fitorja e juaj është një shembull dhe frymëzim për të gjithë ne se e drejta ngadhnjen edhe kur kjo duket e pamundur dhe iluzore”, ka shkruar Mexhiti.
Ai gjithashtu ka përgëzuar qytetarët e Kosovës për nivelin e lartë të vetëdijes që ata treguan gjatë procesit zgjedhor, si dhe ka lavdëruar institucionet e Kosovës për zhvillimin e zgjedhjeve demokratike dhe atmosferën festive që mbizotëroi në të gjithë vendin.
“Urime dhe komplimente institucioneve të Kosovës për zgjedhjet demokratike dhe atmosferën festive anembanë Kosovës”, ka shtuar ai.
LEXONI GJITHASHTU:
PZAP gjobit Vetëvendosjen me 5,100 euro për përfshirjen e një fëmije në fushatë zgjedhore
Osmani: Kosova duhet të ecë përpara në partneritet të ngushtë me ShBA-në dhe botën demokratike
Kreu i AAK kritikon Kurtin: Kush nuk e do Amerikën nuk e do as Kosovën
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut
- 08:17 Rubio: Anëtarësimi i Kosovës në NATO tani nuk është në krye të agjendës së aleatëve
- 08:13 Vritet një polic gjatë një operacioni në Maliq, plagoset një tjetër
- 07:56 Rama publikon pamje me mbeturina nga Zvërneci: Kjo është parajsa që duan të mbetet e paprekur