Presidentja Osmani përgëzon qytetarët: Të mbrohet integriteti i procesit zgjedhor

Në një deklaratë të publikuar në rrjete sociale Presidentja e Republikës së Kosovës, Vjosa Osmani Sadriu ka përgëzuar qytetarët për angazhimin e tyre në këtë proces zgjedhor, duke theksuar se ata treguan një kulturë të lartë demokratike.

Në këtë kuadër, Presidentja ka shprehur pritshmërinë se Komisioni Qendror i Zgjedhjeve (KQZ) do të përfundojë me sukses numërimin e votave brenda mbrëmjes së sotme.

Megjithatë, pas dështimit të softuerit, informacion ky i konfirmuar nga KQZ-ja, Presidentja ka kërkuar që të mbrohet integriteti i procesit zgjedhor dhe që çdo votë të numërohet saktë.

Ajo ka siguruar qytetarët se do të vazhdojë të jetë në kontakt me të gjitha institucionet përkatëse, derisa të sigurohet që i gjithë procesi zgjedhor, përfshirë numërimin dhe publikimin e rezultateve, të zhvillohet në përputhje me standardet më të larta demokratike dhe në përputhje me vullnetin qytetar.

LEXONI GJITHASHTU:

• “Hajnat do të përfundojnë pas hekurave“, Albin Kurti: Do t’ua sekuestrojmë pasurinë
• “Albin Kurti Baba!” Aktivistë e LVV nisin festën me thirrje dhe flamuj në Prishtinë