Vlorë/ I shpallur në kërkim ndërkombëtar, arrestohet me qëllim ekstradimi 60-vjeçari

Fredi Arshi alias Alfred Arshiaj i cili është dënuar më herët nga autoritetet italiane me 11 vjet e 6 muaj burgim, është arrestuar gjatë operacionit “Epilogo” në Vlorë për t’u ekstraduar në Itali. Ai akuzohet se është pjesëtari i një grupi kriminal me veprimtari në fushën e narkotikëve.

Interpol Tirana dhe Interpol Roma po bashkëpunojnë për të kryer ekstradimin e këtij shtetasi.

Njoftimi i policisë:

Seksioni për Hetimin e Narkotikëve në bashkëpunim me Forcën e Posaçme Operacionale në DVP Vlorë, organizuan dhe finalizuan operacionin policor të koduar “Epilogo”.

Gjatë operacionit, u kap në lagjen “10 Korriku” dhe u arrestua provizorisht, për t’u ekstraduar në Itali, shtetasi i shpallur në kërkim ndërkombëtar:

Fredi Arshi alias Alfred Arshiaj, 60 vjeç, banues në Vlorë.

Ky shtetas ishte shpallur në kërkim ndërkombëtar, pasi Gjykata e Apelit Torino, Itali, me vendimin e  datës 20.03.2018, e ka dënuar me 11 vjet e 6 muaj burgim për veprën penale “Organizatë kriminale në trafikimin e lëndëve narkotike”, sipas Kodit Penal Italian.

LEXONI GJITHASHTU:

• “Hajnat do të përfundojnë pas hekurave“, Albin Kurti: Do t’ua sekuestrojmë pasurinë
• Hodhën lëndë piroteknike gjatë protestës së PD, arrestohet 1 person, procedohen 4