Tentuan të kontrabandonin pajisje elektrike nga Gjermania, në pranga 2 persona

Policia Kufitare e Portit të Durrësit, ka konstatuar një rast të tentativës për kontrabandën e pajisjeve elektronike dhe ka arrestuar dy persona, konkretisht Afrim Ukperja 43 vjeç, dhe Amarildo Hamzai 35 vjeç.

Gjatë kontrollit të imtësishëm të një kamioni që mbërriti në Shqipëri, u gjetën 23 celularë (iPhone 16 Pro Max) dhe 2 laptopë pa fatura blerjeje, të dyshuara se ishin kontrabanduar nga Gjermania, për llogari të Amarildo Hamzait, djali i pronarit të kamionit që drejtonte Afrim Ukperja dhe njëkohësisht shtetasi që priste pajisjet.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Vidhnin makina në Sarandë, identifikohen 3 autorë të dyshuar. Arrestohen 2
• Në kërkim ndërkombëtar për organizatë kriminale dhe drogë, arrestohen 2 persona