Janë identifikuar 3 autorët e dyshuar të vjedhjes së 4 motomjeteve në Sarandë.  2 prej tyre janë arrestuar, ndërkohë po punohet për kapjen e tjetrit. Sekuestrohen 2 motomjete të vjedhura.

Konkretisht, specialistët për Hetimin e Krimeve të Komisariatit të Policisë Sarandë arrestuan në flagrancë shtetasit:

K.H., 20 vjeç, banues në Sarandë dhe O. J., 23 vjeç, banues në Delvinë, si dhe shpallën në kërkim shtetasin E. V., 19 vjeç, banues në fshatin Bajkaj, Delvinë.

Nga hetimet dyshohet se këta shtetas, në bashkëpunim me njëri-tjetrin, kanë vjedhur 4 motomjete në qytetin e Sarandës, të cilët më pas i kanë transportuar në Delvinë, për t’i modifikuar dhe për t’i shitur.

Në vijim të veprimeve, u sekuestruan 2 motomjete të vjedhura dhe një automjet që dyshohet se shërbente për realizimin e vjedhjeve. Vijon puna për kapjen e shtetasit të shpallur në kërkim dhe për dokumentimin e rasteve të tjera të vjedhjeve që mund të jenë kryer nga këta shtetas.

Gjithashtu, shërbimet e Komisariatit të Policisë Sarandë, bazuar në inteligjencën policore për vendndodhjen e një shtetasi në kërkim, organizuan punën dhe si rezultat lokalizuan dhe ndaluan shtetasin: E.D., 24 vjeç, banues në fshatin Shalës, Konispol.

LEXONI GJITHASHTU:

• “Kështu më nxorën edhe me sëpatë…” – Rama reagon pas incidentit live në Instagram
• Arrestimi i Veliajt, Rama: Proces shumë i çuditshëm, u intimiduan dëshmitarë