Mbreti Charles uron 17 vjetorin e pavarësisë së Kosovës

Mbreti Charles III i Mbretërisë së Bashkuar ka uruar popullin e Republikës së Kosovës me rastin e 17 vjetorit të pavarësisë.

Në letrën e Mbreti Charles III drejtuar presidentes Vjosa Osmani, thuhet se vendet tona ndajnë lidhje kaq të forta dhe pret që ato ta forcojnë më tej miqësinë tonë.

“E nderuara zonja Presidente,

Unë dhe bashkëshortja ime kemi kënaqësinë t’i dërgojmë Shkëlqesisë Juaj dhe popullit të Republikës së Kosovës urimet tona më të ngrohta me rastin e festës suaj shtetërore.

Jam shumë i kënaqur që vendet tona ndajnë lidhje kaq të forta dhe pres ta forcojmë më tej miqësinë tonë.

Është shpresë dhe ambicie e imja e fortë që vendet tona të mund të bashkëpunojnë për të ndikuar pozitivisht në ndryshimet klimatike dhe çështjet mjedisore, të cilat na prekin të gjithëve globalisht.

Unë dhe bashkëshortja ime kemi kënaqësinë e madhe t’iu përcjellim urimet tona më të mira për ju dhe për të gjithë kosovarët në vitin që kemi para nesh”, shkruhet në letrën e Mbretit Charles III.

LEXONI GJITHASHTU:

• Event në Tiranë për Pavarësinë e Kosovës, Begaj: Jemi dy shtete të një kombi
• Politikanë të Kosovës në listën e zezë? Gazetari sqaron deklaratën e Vjosa Osmanit