Mirlind Beluli, gazetar ishte i ftuar në Euronews Albania teksa ka komentuar mbi Kosovën dhe marrëdhëniet e saj me Amerikën, nisur dhe nga reagimi i Grenell për Kosovën dhe Kurtin.
Ai tha se Kosova nuk duhet të japë shumë komente lidhur deklaratat e Grenell pasi bashkëpunimi që Kosova synon me Amerikën, nuk lidhet vetëm me Grenell.
“Grenell është një figurë komplekse jo vetëm për Kosovën por globalisht. Ne si shtet i vogël duhet të kursejmë komentet ndaj një emisari special të SHBA-ve dhe ta kuptojmë që mundësia jonë për të bashkëpunuar me Amerikën nuk lidhet vetëm me Grenell, është Pentagoni, është Marco Rubio, pra janë disa rrjete politike me të cilat ne mund të bashkëpunojmë”, tha gazetari.
Ndërkohë, Beluli ka folur lidhur më një deklaratë të dhënë një vit më parë nga Presidentja e Kosovës Vjosa Osmani e cila ka ndërhyrë për disa politikanë të Kosovës.
“Po është e vërtetë. Osmani ka deklaruar se disa politikanë të Kosovës mund të futeshin në listën e zezë. Presidentja ka theksuar se ka shpëtuar njerëz nga kjo listë e zezë, por nuk mendoj që e ka pasur për Albin Kurtin. Më shumë është përfolur për Xhelal Sveçlën, ministrin e Punëve të Brendshme që mund të përfundojë në listë të zezë apo të shpallet non grata. Ka qenë më shumë një lojë politike”, tha Mirlind Beluli.
LEXONI GJITHASHTU:
- “Një bllok anti LVV”, çfarë thonë analistët për krijimin e Qeverisë së Kosovës
- Osmani takon delegacionin e kongresistëve amerikanë në konferencën e Munihut
