Mesut Ozil i futet politikës në Turqi, merr postin në partinë e Erdogan

Ish-ylli i futbollit gjerman, Mesut Özil, është emëruar anëtar i bordit të Partisë sw Presidentit turk Recep Tayyip Erdoğan. Vendimi u mor gjatë kongresit të mbajtur të dielën në Ankara, ku Erdoğan u rizgjodh për herë të nëntë si kryetar i partisë që ka qeverisur Turqinë që nga viti 2002.

Özil, i cili shpalli tërheqjen nga futbolli në vitin 2023, ka pasur një karrierë të shquar me ekipe të njohura si Real Madrid, Arsenal dhe Kombëtarja e Gjermanisë, me të cilën fitoi Kupën e Botës nw vitin 2014. Ai e përfundoi rrugëtimin e tij në futbollin profesionist te klubi turk Istanbul Başakşehir.

Përfshirja e Özil në politikë nuk është surprizë, pasi ai ka qenë prej kohësh një mbështetës i hapur i Presidentit Erdoğan. Në vitin 2019, ai e zgjodhi atë si dëshmitar nderi në dasmën e tij me ish-misin e Turqisë, Amine Gülse.

Lidhja e tij me politikën turke dhe mbështetja ndaj Erdoganit kanë qenë shpesh në qendër të vëmendjes mediatike, veçanërisht pas largimit të tij nga kombëtarja gjermane në vitin 2018, ku ai akuzoi federatën gjermane për trajtim të padrejtë dhe racizëm.

LEXONI GJITHASHTU:

• Erdogan rrit presionin ndaj PKK-së: Arrestohen 282 persona për lidhje me kurdët
• Bisedimet SHBA-Rusi, Zelensky me Erdogan: S’i dorëzohemi “ultimatumeve” të Moskës