Qafoku zbulon se sa deputetë do t’i marrin aleatët PD-s dhe qarqet

Gazetari Roland Qafoku ishte këtë të hënë i ftuar në “Now me Erla Mëhillin” në Euronews Albania për të folur rreth primareve të mbajtura në Partinë Demokratike.

Ndër të tjerat ai tha se të paktën 4 deputetë do të jenë nga Partia e Lirisë që do të futen në listat e mbyllura të koalicionit të opozitës së bashkuar.

“Të paktën për aleatët, e sigurt është që për Partinë e Lirisë, Ilir Meta në Tiranë, Tedi Blushi në Korçë, Erisa Xhixho në Fier dhe Edmond Haxhinasto në Elbasan, janë katër emra të Partisë së Lirisë që do të futen në listën e PD. Katër vende nuk janë pak sepse Partia e Lirisë nuk ka tashmë fuqinë që ka pasur, por zoti Berisha është treguar korrekt. Këta do jenë deputet që në orën 7 që fillon votimi.  Gjithashtu do jenë edhe aleatët e tjerë, Fatmir Mediu, Vangjel Dule. Por ajo që është shqetësuese, është se nuk ka një frymë që Partia Demokratike mund ti fitojë këto zgjedhje”,-tha Qafoku.