Eurostat: Punonjësit në Shqipëri me pagat më të ulëta në Europë

Një orë pune në Shqipëri paguhet më pak se në vendet e tjera në rajon dhe Europë. Vlerësimi del në raportin e fundit të Eurostat dhe i referohet vitit 2022.

Punonjësit shqiptarë janë më të keqpaguarit në Europë për orë pune. Vlerësimi bëhet në raportin e fundit të Eurostat, i cili ka krahasuar pagën në euro për një orë pune dhe fuqinë blerëse në vitin 2022.

Në shifra, punonjësit shqiptarë, paguheshin 2.47 euro, boshnjakët 4 euro dhe serbët 4.43 euro për orë, ndërsa vendet e tjera të rajonit nuk janë përfshirë në studim.

Në ndarje gjinore, femrat merrnin 2.63 euro në orë, ndërsa meshkujt 2.39 euro për një orë pune. Edhe sipas standardit të fuqisë blerëse, që i bën të dhënat më të krahasueshme për shkak se eliminon diferencat mes çmimeve, Shqipëria renditet e fundit.

Thënë ndryshe, me pagën e një ore në Shqipëri mund të blesh gjysmën e ofertës në treg, në krahasim me banorët në Bosnjë Hercegovinë e Serbi.

Nga ana tjetër, paga më e lartë mesatare bruto për orë u regjistrua në Danimarkë me 29.8 euro dhe në Luksemburg 24 euro.

LEXONI GJITHASHTU:

• Kanceri shkak kryesor i vdekjeve, Eurostat: Sa është përqindja që zë te dy gjinitë
• EUROSTAT:  Në BE 7% punojnë 49 orë, në Shqipëri 36% bëjnë orë shtesë