EMRI| Përplasi për vdekje 2-vjeçarin në Fushë Domje, arrestohet drejtuesi i mjetit

Policia e Tiranës ka bërë të mundur arrestimin e shoferit i cili aksidentoi për vdekje 2-vjeçarin në Fushë Domje pasditen e sotme. Drejtuesi i mjetit,  tashmë i arrestuar është Ylber Manarkolli, i cili sipas burimeve, është dhe komshiu i viktimës 2-vjeçar.

Ngjarja ndodhi këtë të shtunë rreth orës 17:30. Pasi fëmija u godit nga drejtuesi i mjetit, u dërgua në Spitalin e Traumës nga familjarët për mjekim, por, fatkeqësisht, ka ndërroi jetë gjatë trajtimit.

Njoftim i policisë:

Falë veprimeve të shpejta procedurale dhe hetimore, shërbimet e Policisë kanë bërë të mundur identifikimin dhe kapjen e drejtuesit të automjetit, që aksidentoi me pasojë vdekjen e dy vjeçarit.

Drejtuesi i automjetit, shtetasi Y. M., 58 vjeç, është shoqëruar në Komisariat për veprime të metejshme procedurale.

Gjithashtu, është bërë gjetja dhe sekuestrimi i automjetit tip “Benz”me të cilin ky shtetas shkaktoi aksidentin.

Nga verifikimet ka rezultuar se aksidenti ka ndodhur në Fushë Domje dhe jo në Kamëz.

Punohet për sqarimin e plotë e rrethanave dhe shkakut të aksidentit.

Policia vijon hetimet për zbardhjen e plotë të ngjarjes.

LEXONI GJITHASHTU:

• Aksident tragjik në Kamëz: Humb jetën një fëmijë 2-vjeçar, policia njoftim zyrtar
• Sherr me sende të forta në Valias, policia arreston 6 persona, tre të proceduar