Sherr në Vlorë, plagoset me thikë 20-vjeçari dhe lëndohen 3 persona

Një sherr i dhunshëm ka ndodhur këtë të dielë në Vlorë, ku rreth orës 14:45, në një lavazh të lagjes “Hajro Çakërri”, ka shpërthyer një konflikt mes disa shtetasve.

Gjatë përplasjes, një prej tyre, shtetasi K. H., rreth 20 vjeç, është plagosur me mjet prerës (thikë). I riu është transportuar menjëherë në spital, ku është mjekuar dhe aktualisht ndodhet jashtë rrezikut për jetën.

Si pasojë e përleshjes, janë lënduar gjithashtu shtetasit R. Y., 30 vjeç, R. M., 19 vjeç, dhe D. I., 32 vjeç, të cilët kanë pësuar dëmtime nga përdorimi i sendeve të forta.

Ata morën ndihmën e nevojshme mjekësore dhe më pas u shoqëruan në komisariat për t’u marrë në pyetje në lidhje me rrethanat që çuan në konflikt.

Nëpërmjet veprimeve hetimore të shpejta, Policia ka identifikuar autorin e dyshuar të plagosjes me thikë, shtetasin A. B., 25 vjeç, dhe po punon për lokalizimin dhe kapjen e tij.

Grupi hetimor vijon hetimet për të zbardhur të plotë ngjarjen dhe për të identifikuar çdo shtetas tjetër të përfshirë në këtë konflikt.

LEXONI GJITHASHTU:

• Të huajt zgjedhin Vlorën për të punuar: Do jetojmë këtu deri sa të marrim pasaportën
• Temperaturat e larta, qytetarët e Vlorës nisin plazhin në mars