Arrestohet deputeti grek nga partia e ekstremit të djathtë

Galeria Kombëtare e Greqisë tha se një ligjvënës grek sulmoi katër piktura në një ekspozitë në muzeun në Athinë, duke përfshirë një që ai e kishte kritikuar më parë si ofenduese për arsye fetare.

Policia ndaloi Nikolaos Papadopoulos – nga partia e vogël e krahut të djathtë, ultra-fetare Niki, e cila mban 10 nga 300 vendet e parlamentit.

Muzeu lëshoi një deklaratë duke thënë se politikani grek dhe një person tjetër sulmuan pikturat që ishin pjesë e një ekspozite të artistëve grekë, duke i hedhur ato në dysheme dhe duke thyer xhamin në korniza.

Ekspozita përfshin vepra që karikaturojnë ikona dhe tema fetare, si dhe shoqërohet me një ekspozitë prej 80 gravurash nga mjeshtri spanjoll Francisco Goya.

Papadopoulos tha më parë në parlament se një nga pikturat greke ishte fyese për krishterimin ortodoks, fenë mbizotëruese në Greqi, duke pohuar se ajo fyente Virgjëreshën Mari dhe Krishtin.

“Unë hoqa katër ikona, katër ikona blasfemuese dhe në dy prej tyre, xhami u thye, asgjë tjetër,” u tha Papadopoulos gazetarëve pasi u lirua.

Galeria Kombëtare – Muzeu Alexandros Soutsos u mbyll pas sulmit, ndërsa vizitorët u larguan.

LEXONI GJITHASHTU:

• Mitsotakis prezanton planin 28 miliardë euro për armatosjen e Greqisë
• Turqia shpërthen naj BE-së: Negociatat janë ndalur nga pikëpamjet islamofobe