Rama në rrugët e Tiranës, batuta: Ku është ajo vera ime 33 mijë euro?

Kryeministri Edi Rama është parë mbrëmjen e djeshme duke bërë një xhiro në Tiranë dhe ka vizituar disa prej bizneseve të vogla të kryeqytetit.

Gjatë shëtitjes së tij, një moment i veçantë ka tërhequr vëmendjen e kalimtarëve, kur ai është ndalur pranë një kafeneje ku disa të rinj po pinin cigare.

“Çuna, lejeni atë cigaren, është kot, e kam pi unë. Është kot!”- iu drejtua Rama të rinjve, duke e marrë këtë mundësi për të bërë një shaka dhe për të theksuar dëmshmërinë e duhanit.

Më pas, kryeministri ka vizituar një dyqan që merrej me shitjen e verërave, ku ka shkëmbyer disa batuta me pronarin për verën e shtrenjtë që ai është akuzuar se konsumon.

“Atë verën time 33 mijë euro e ke?”- u shpreh me humor Edi Rama.

LEXONI GJITHASHTU:

• Logoja e Twitter shitet për gati 35,000 dollarë në ankand
• Sot është Dita e Nevruzit, presidenti Begaj uron besimtarët bektashinj