Depardieu sërish në gjykatë, aktori i njohur akuzohet për ngacmim seksual të 2 grave

Aktori i famshëm francez Gerard Depardieu do të dalë sot para një gjykate penale në Paris me akuzat për sulm seksual, ngacmim seksual dhe abuzim seksist ndaj dy grave gjatë xhirimeve të një filmi në vitin 2021.

Fillimisht i planifikuar për në tetor, gjyqi u shty për shkak të gjendjes shëndetësore të aktorit 76-vjeçar, raportoi Le Figaro.

Depardieu, i cili është shpallur kompetent për t’u gjykuar, përballet me deri në pesë vjet burg dhe një gjobë prej 75,000 euro.

Sulmet e supozuara ndodhën në vitin 2021, në një vilë private në lagjen e 16-të të Parisit, në xhirimet e filmit të Jean Becker “The Green Blinds”.

Midis xhirimeve, aktori dyshohet se ka sulmuar seksualisht skenografen Ameli 54 vjeçe dhe asistent regjisoren Sara 34 vjeçe.

Tetorin e kaluar seanca u shty për shkak të shqetësimeve për shëndetin e aktorit.

Avokati i aktorit, Jeremy Assu, shpjegoi se Depardieu vuante nga diabeti dhe se fundmi i ishte nënshtruar një operacioni të katërfishtë bajpas.

LEXONI GJITHASHTU:

• Aktori Gerard Depardieu sulmon fizikisht paparacin e njohur italian në Romë
• Prokurorët francez hedhin poshtë akuzat për sulm seksual ndaj Gerard Depardieu