Erdhën nga Anglia dhe e kthyen vilën në shtëpi bari, gjykata lë në burg 2 vëllezërit

Gjykata e Tiranës ka lënë në burg dy vëllezërit, Shkëlqim dhe Fatmir Matraxhi, të cilët kishin kthyer një banesë në Laknas në shtëpi bari si dhe pu8nonjësin e OSHEE-së Endrit Paja.

Rezulton se dy vëllezërit ishin kthyer nga Anglia, dhe katin e dytë të banesës e kishin përshtatur për kultivimin masiv të bimëve narkotike të kanabis sativa.

Pajisje të posaçme u gjetën të instaluara në ambientin e brendshëm të objektit për të krijuar kushte të kultivimit të drogës, teksa bimët e gjetura dhe sekuestruara ishin në fazë të avancuar të zhvillimit të tyre si dhe një sasi droge të paketuar gati për nxjerrjen e saj në treg.

Bashkë me vëllezërit në pranga përfundoi edhe shtetasi Endrit Paja, punonjës i OSHEE për veprën penale të shpërdorimit të detyrës. Ai dyshohet se ka favorizuar këtë veprimtari kriminale duke mos evidentuar lidhjen e paligjshme të energjisë elektrike.

Vëllezërit sipas të dhënave hetimore, kishin instaluar edhe bokse muzike, për të shmangur zhurmat që vinin nga brenda objektit si rrjedhojë e pajisjeve që i shërbenin kultivimit të drogës si dhe aspirator për të larguar aromën. Gjatë kontrollit të banesës, në cilësinë e provës materiale u sekuestruan: 20 bimë narkotike kanabis sativa, rreth 60 cm të larta, një sasi me lëndë narkotike kanabis të përpunuar, 5 llamba speciale për ndriçim dhe ngrohje, 2 filtra për pastrimin e aromave, 3 ventilatorë freskues, 2 pajisje për matjen dhe rregullimin e temperaturës dhe pajisje të tjera elektrike të përdorura për kultivimin në ambiente të mbyllura.

LEXONI GJITHASHTU:

• U kapën me 11 kg kanabis gati për shitje, arrestohen 4 persona në Tiranë
• EMRAT| Shisnin kokainë e kanabis pranë shkollave në Kavajë, arrestohen 13 persona