Një i vrarë dhe 1 i plagosur nga të shtënat me armë zjarri në Prishtinë

Një person ka vdekur dhe një ka mbetur i plagosur pas të shtënave me armë zjarri mbrëmjen e djeshme në Prishtinë.

Policia e Kosovës në raportin 24 orësh ka dhënë detaje nga ky rast.

“Raportohet se dy persona të armatosur dhe të maskuar kanë shtënë me armë zjarri në drejtim të dy viktimave meshkuj kosovarë dhe si pasojë njëri nga viktimat ka ndërruar jetë në QKUK, ndërsa viktima tjetër gjendet në tretman mjekësor”, thuhet në njoftim, raporton KosovaPress.

Në media është raportuar se autori i ngjarjes është identifikuar nga Policia e Kosovës dhe është shpallur në kërkim.

Po ashtu është raportuar se viktima është N.G 62 vjeç, i plagosuri tjetër që ndodhet në spital është M.M 41 vjeçar, ndërsa autori i dyshuar për rastin është A.G.

Katër persona kanë vdekur si pasojë e të shtënave me armë zjarri në tri ditët e fundit në Kosovë në raste të ndryshme.

LEXONI GJITHASHTU:

• Vuçiç shkarkon ambasadoren serbe në Zagreb, pas marrëveshjes Shqipëri-Kroaci-Kosovë
• Gjykata Supreme e Kosovës refuzon ankesën e PDK-së, në shqyrtim edhe dy ankesa