Tirana prek fundit, Elbasani fiton 2-1 ndaj bardhebluve

Elbasani ka arritur një fitore të rëndësishme me rezultatin 2-1 ndaj Tiranës në ndeshjen e zhvilluar në ‘Elbasan Arena’, duke i zhytur kryeqytetasit në fundin e tabelës.

Ndeshja nisi me ritëm të lartë, me të dy skuadrat që kërkuan të sulmonin menjëherë ndërsa bardheblutë kaluan në epërsi pas vetëm 12 minutash lojë.

Përgjoni përfitoi nga një rrëmujë në zonë dhe, pas një përpjekjeje të shpejtë, dërgoi topin në rrjetë nga afër.

Elbasani tentoi të reagonte, duke e kërcënuar portën e Tiranës. Në minutën e 28-të, Olberkis goditi me kokë, por topi kaloi jashtë kuadratit, edhe pse portieri Selmani kishte “boshatisur” portën.

Për golin e barazimit pritej minuta e 72-të, kur një harkim perfekt i Lilës gjeti Qosen, i cili e realizoi me kokë pas një koordinimi të shkëlqyer.

Në minutat shtesë, Qose shënoi golin e dytë, duke përmbysur rezultatin dhe i dhënë fitoren Elbasanit.

Me këtë rezultat, Tirana mbetet në vendin e fundit të klasifikimit me 32 pikë, ndërsa Elbasani ndodhet në vendin e pestë me 43 pikë.

Takimi i ardhshëm për Tiranën do të jetë një derbi kundër Partizanit, ndërsa Elbasani do të ndeshet me Egnatian në Rrogozhinë.

LEXONI GJITHASHTU:

• Hidhet shorti për Europianin U-17 që do të zhvillohet në Shqipëri
• “Sylvinho është shqiptarizuar”, Artan Hoxha tregon pse nuk aktivizohet Ernest Muçi