Në “Shtëpinë e Futbollit” u hodh këtë të hënë shorti për Kampionatin Europian U-17, i cili do të zhvillohet në Shqipëri nga 19 maji deri më 1 qershor 2025.

Në këtë turne do të marrin pjesë 8 ekipe kombëtare, ndër të cilat Shqipëria është gjithashtu pjesëmarrëse si vend organizator.

Në Grupin A, Shqipëria do të përballet me disa nga ekipet më të fuqishme të futbollit europian: Francën, Gjermaninë dhe Portugalinë.

Ndeshja e parë për kuqezinjtë do të luhet më 19 maj, në stadiumin “Arena Kombëtare” në Tiranë, ku Shqipëria do të presë Portugalinë në orën 18:00.

Ndërkaq, në Grupin B do të jenë: Italia, Belgjika, Anglia dhe Çekia, të cilët do të përballen mes tyre për një vend në fazën finale.

Ceremonia e shortit u drejtua nga Shefi i Futbollit të Djemve në UEFA, Lance Kelly, ndërsa ambasadori i turneut, Klaus Gjasula, tërhoqi goglat.

Pjesëmarrës në event ishin përfaqësues të ekipeve finaliste, UEFA-s, FSHF-së, si dhe mediave dhe partnerëve të FSHF-së.

Pjesëmarrësit në këtë kampionat do të luajnë ndeshjet e fazës grupore dhe më pas do të kalojnë në fazën e çerekfinaleve dhe gjysmëfinaleve, që do të zhvillohen në katër stadiume të Shqipërisë:

“Arena Kombëtare” në Tiranë, “Elbasan Arena” në Elbasan, “Arena Egnatia” në Rrogozhinë dhe “Niko Dovana” në Durrës.

Kampioni i Europianit U-17 për vitin 2025 do të shpallet më 1 qershor në finalen që do të luhet në stadiumin “Arena Kombëtare” në Tiranë.

LEXONI GJITHASHTU:

• “Sylvinho është shqiptarizuar”, Artan Hoxha tregon pse nuk aktivizohet Ernest Muçi
• “Ishim më keq se autobusi”, Sokol Kushta: Me Anglinë ndeshja më e dobët e Kombëtares