Homazhet për Margarita Xhepën, Ndriçim Xhepa: Kishte ende dëshirë për një film

Aktori Ndriçim Xhepa ka folur në homazhet për nënën e tij, aktoren e mirënjohur Margarita Xhepa, e cila u nda nga jeta ditën e djeshme në moshën 91-vjeçare.

“Mbylli jetën e saj në mënyrë normale pavarësisht se dy muajt e fundit kishte probleme të karakterit shëndetësor, lodhjet e viteve bëjnë të vetën. Kishte një natyrë të çuditshme. Në disa biseda ajo thoshte se ndoshta në skenë nuk kam mundësi më të dal, ndërsa tek filmi e kishte ende një dëshirë se mund të bënte një tjetër rol.

Roli i fundit që bëri në filmin “Bolero në vilën e pleqve”, përkoi me mbylljen e jetës së saj.

Rëndësi ka mënyra se si po respektohet sot nga njerëz të fushave të ndryshëm por jo vetëm, edhe qytetarë të thjeshtë, publik i filmave dhe punë së saj. Kjo është kënaqësia që marrin familjarët dhe shpirti i saj atje lart”, tha Ndriçim Xhepa.

LEXONI GJITHASHTU:

• Homazhet për Margarita Xhepën, Berisha: Do mbetet e gjallë në artin shqiptar
• Hapet gara e rikonstrurimit të stadiumit “Selman Stërmasi”, Rama: Qendër e re urbane