Kreu i Partisë Demokratike, Sali Berisha, ka marrë pjesë në homazhet e mbajtura në nder të ikonës së teatrit dhe kinematografisë Margarita Xhepa, e cila ndërroi jetë ditën e djeshme në moshën 91-vjeçare.

I shoqëruar nga bashkëshortja e tij, Berisha shprehu mirënjohjen për kontributin e jashtëzakonshëm të Xhepës në artin dhe kulturën shqiptare.

“Nderimin më të thellë, por edhe mirënjohjen më të pakufishme për kontributin e jashtëzakonshëm të Margarita Xhepës në 7 dekada, sa askush tjetër, në skenën dhe filmin shqiptar. Ajo nuk është më, por do mbetet përjetë e gjallë në memorien e tyre që ndoqën me aq admirim interpretimet e saj. Do mbetet e gjallë në memorien e artit dhe kulturës shqiptare”, u shpreh Berisha.

Gjithashtu, aktorja Tinka Kurti mori pjesë në homazhet në nder të aktores, koleges dhe mikes së saj Margerita Xhepa

“Unë e kisha vajzë e kisha shoqe dhe e kisha mikeshë. Nuk kemi ç’të bëjmë, unë jam më e madhe se ajo, duhet të hesht se kam dhimbje të madhe shumë, shumë”, tha ajo për mediat.

LEXONI GJITHASHTU:

• Homazhet për Margarita Xhepën, Ndriçim Xhepa: Kishte ende dëshirë për një film
• Mbahen homazhe për ikonën e kinematografisë shqiptare Margarita Xhepa