Seria A: Hap fals i Interit në transfertë, Roma-Juventus pa fitues

Juventusi ka barazuar me Romën në duelin direkt për zonën Euro, në një sfidë e cila u mbyll me rezultatin 1-1. Këtë fundjavë hap fals hodhën Milani dhe Interi, ndërsa në mbrëmje zbret në fushë Napoli.

Përballja e luajtur në Olimpiko mes Romës dhe Juventusit nuk prodhoi fitues, duke u mbyllur në barazim 1-1, një rezultat që nuk i shërben askujt, sidomos vendasve të cilët synojnë zonën Euro. Një 90-minutësh në të cilin ekipi i Tudor u paraqit më mirë, madje ishin bardhezinjtë që gjetën të parët golin me Locatellin në fraksionin e parë. Me nisjen e pjesës së dytë, Roma u hodh përpara, ku nga një këndore, Shomurodov realizoi duke rikthyer ekuilibrat.

Më tej, shifrat mbetën të pandryshuara. Këtë fundjavë hap fals hodhën Interi e Milani, zikaltrit në transfertën me Parmën e skuadra e Conceicaos ndaj Fiorentinës. Interi ishte në avantazhin e dy golave në 45 minutat e para, por e shpërdoroi mundësinë për marrjen e 3 pikëve pasi pësoi dy gola në pjesën e dytë. Inzaghi u paraqit me pak ndryshime në formacion, ndërsa skuadra e tij zhvilloi sfidë pozitive.

Sa i përket Milanit, pësoi 2 gola të shpejtë, por më pas rikuperoi mjaft mirë duke marrë një pikë ndaj një kundërshtari si Fiorentina. Në mbrëmje është radha e Napolit që përballet me Bolonjën në transfertë. Në rast fitoreje, 3 herë kampionët e Serisë A do të afrohen me 1 pikë distancë me Interin, për të vendosur edhe më në presion kryesuesit.

LEXONI GJITHASHTU:

• Ndeshja me Anglinë, Asllani: Te Interi tallen, thonë se Shqipëria do pësojë 6-7 gola
• Bolonja këmbëngul për Asllanin, Interi mendon shkëmbimin shqiptaro-argjentinas