Tentohet të vidhet kasollja në Lushnjë, autori qëllon me çifte pronarin

Një 66-vjeçar është qëlluar me armë gjahu në pronën e tij nga një 65-vjeçar që kishte hyrë për të vjedhur në kasollen e tij.

Në momentin që 65-vjeçari është konstatuar nga pronari i kasolles, ata kanë përfunduar në një përleshje fizike ku gjatë këtij konflikti, autori ka përdorur një armë gjahu dhe ka qëlluar pronarin e kasolles, 66-vjeçarin F.M., duke e lënë të lënduar.

“I dëmtuari, shtetasi F. M., ka marrë asistencë mjekësore dhe është jashtë rrezikut për jetën”, thuhet në njoftimin e policisë.

Menjëherë pas ngjarjes, Policia ka nisur hetimet dhe ka bërë të mundur identifikimin dhe kapjen e autorit, i cili është identifikuar si D. D., 65 vjeç.

Njoftimi i policisë

“Qëlloi me armë gjahu, pronarin e ambientit ku shkoi për të vjedhur gjatë natës, identifikohet dhe kapet 65-vjeçari.

Menjëherë pas kallëzimit të shtetasit F. M., 66 vjeç, se gjatë natës, sapo një shtetas kishte hyrë për të vjedhur në kasollen në pronësi të tij, ai e kishte konstatuar dhe gjatë konfliktit me të, autori i tentativës për vjedhje e kishte qëlluar me armë gjahu, shërbimet e Komisariatit të Policisë Lushnjë kanë organizuar punën për kapjen e autorit.

Si rezultat i veprimeve të shpejta hetimore dhe policore, u identifikua dhe u kap autori i dyshuar i rastit, shtetasi D. D., 65 vjeç.

I dëmtuari, shtetasi F. M., ka marrë asistencë mjekësore dhe është jashtë rrezikut për jetën.

Materialet procedurale iu referuan Prokurorisë së Fierit, për veprime të mëtejshme”, njofton policia.

LEXONI GJITHASHTU:

• Vidhet kasaforta e një biznesi në Lushnje, autorët aksidentohen dhe bien në kanal
• Lushnjë| Vinin baste me celularë në një subjekt privat, arrestohen 4 persona