Më 16 prill 2025, shërbimet e Policisë dhe të zjarrfikëses në Tepelenë i dhanë ndihmë 7 turistëve spanjollë që ishin bllokuar në kanionin e Nivicës, gjatë një eksplorimi të zonës.
Turistët, të cilët po zbrisnin me litar në thellësinë e kanionit të Nivicës, hasën vështirësi të mëdha për shkak të terrenit të pamundur dhe të rrezikshëm.
Pas marrjes së njoftimit për ngjarjen, shërbimet e Komisariatit të Policisë Tepelenë dhe shërbimet zjarrfikëse reaguan menjëherë, duke nisur një operacion kërkim-shpëtimi. Fillimisht, ata përdorën dronë për të monitoruar zonën dhe për të lokalizuar vendndodhjen e turistëve të bllokuar. Pavarësisht kushteve të vështira, pas disa orësh përpjekjesh, shërbimet e Policisë dhe zjarrfikësve, arritën të nxjerrin turistët nga terreni i rrezikshëm.
Turistët spanjollë, të cilët ishin në gjendje të mirë shëndetësore, u transportuan në një bujtinë në fshatin Dukaj, ku u akomoduan dhe morën ndihmën e nevojshme. Ata falënderuan shërbimet e Policisë dhe zjarrfikësve për përkushtimin dhe ndihmën e ofruar shpejt.
LEXONI GJITHASHTU:
