Putin: Rusia është e gatshme të marrë masa për të ruajtur sovranitetin e Sirisë

Presidenti rus Vladimir Putin tha sot gjatë një bisede me emirin e Katarit, Tamim bin Hamad Al Thani, se Rusia është e gatshme të marrë të gjitha masat e nevojshme për të ruajtur sovranitetin e Sirisë.

“Ne do të donim të bëjmë gjithçka që Siria, mbi të gjitha, të mbetet një shtet sovran, i pavarur dhe territorialisht integral”, tha Putin, raporton Izvestia.

Sipas tij, Rusia është gjithashtu e gatshme të ofrojë ndihmë për popullin sirian, duke përfshirë ndihmën humanitare.

Putin beson se ka shumë probleme në Siri – probleme politike, sigurie dhe ekonomike, raportoi Izvestia.

Emiri i Katarit Tamim bin Hamad Al Thani ndodhet për një vizitë zyrtare në Rusi.

LEXONI GJITHASHTU:

• Putin: Marrëdhëniet e gjata Rusi-Palestinë ndihmojnë në lirimin e rusëve në Gaza
• Çfarë dihet nga takimi 4-orësh i të dërguarit të Trump me Vladimir Putin