Të shtëna me armë zjarri në Tiranë, dyshohet për 4 të plagosur

Të shtëna me armë zjarri janë raportuar pak minuta më parë në Tiranë në zonën e Lundrës.

Sipas informacioneve të ardhura për Euronews Albania autorët kanë qëllluar në drejtim të një automjeti të cilin e kanë ndejkur që nga rrethrrotullimi i Shkozës.

Sipas burimeve nga atentati janë plagosur 4 persona, tre prej të cilëve janë jashtë rrezikut për jetë ndërsa një i mitur 11-vjeçar është në gjendje të rëndë.

Autoret dyshohet se kanë djegur makinen ne Lundër

Njoftimi i policisë:

Më datë 17.04.2025, rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër, shtetasit A. S., 34 vjeç, K. M., 19 vjeç, dhe dy të mitur të moshës rreth 11 vjeç dhe 17 vjeç.

Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Për këtë ngjarje do të kemi informacion më të zgjeruar pas sqarimit të plotë të rrethanave të rastit.

LEXONI GJITHASHTU:

• Atentati nga 4 persona, babai i Roan Brahimit u ekzekutua brenda lokalit të tij
• Atentat me 4 të plagosur në Tiranë mes tyre 2 të mitur, zbardhen emrat