Aksidenti në Tunelin e Murrizit, reagon policia: 3 të plagosur, u devijua qarkullimi

Një aksident ka ndodhur pasditen e sotme, rreth orës 16:40, në Tunelin e Murrizit, ku dy mjete janë përplasur me njëra-tjetrën.

Sipas njoftimit të policisë, aksidenti ka ndodhur mes një automjeti të drejtuar nga një shtetas italian me inicialet F.T. dhe një automjeti tjetër të drejtuar nga shtetasi shqiptar A.K.

“Si pasojë e përplasjes, tre pasagjerë kanë pësuar lëndime dhe janë transportuar në spital për marrjen e ndihmës mjekësore. Të dy drejtuesit e mjeteve janë testuar për alkool, dhe kanë rezultuar negativë me 00 mg/l”, thuhet në njoftimin e policisë.

Pas ngjarjes, qarkullimi i automjeteve në tunel ka qenë i bllokuar për disa kohë, ndërsa policia ka ndërmarrë masa për devijimin e trafikut nga Bypass-i i Murrizit.

Në vendngjarje janë nisur edhe disa ambulanca për të transportuar të plagosurit në spital.

Grupi hetimor po punon për zbardhjen e plotë të rrethanave të aksidentit.

LEXONI GJITHASHTU:

• Hapet tuneli i Murrizit, i pranishëm kryeministri Rama
• Makina që drejtonte 27-vjeçarja del nga rruga, lëndohen nënë e bijë në Pogradec