Deputetët e Kosovës mblidhen në përpjekjen e pestë për konstituimin e Kuvendit

Kuvendi i Kosovës është mbledhur sot për të tentuar për herë të pestë konstituimin e legjislaturës së nëntë.

Lëvizja Vetëvendosje ka kërkuar arritjen e një marrëveshjeje politike për zgjedhjen e kryetarit të Kuvendit.

Deputeti i zgjedhur, njëherësh nënkryetari i LVV-së, Glauk Konjufca kishte thënë se ata propozojnë sërish për kryetare të Kuvendit, deputeten Albulena Haxhiu.

Mirëpo meqë ajo nuk ka marrë votat në seancën e kaluar, ai tha se zgjedhja e saj pa marrëveshje politike nuk duhet të hidhet sërish në votim.

Pas kësaj, kryesuesi i seancës, Avni Dehari, ndërpreu seancën e së hënës dhe u vendos që seanca të vazhdojë të mërkurën në orën 10:00.

LVV-ja dështoi më 19 prill të zgjedh Haxhiun kryetare të Kuvendit.

LEXONI GJITHASHTU:

• Lëvizja Vetëvendosje ripropozon Albulena Haxhiun për kryetare të Kuvendit të Kosovës
• Hoxha: Të dyshuarit për vrasjen e rreshterit Lika në Kosovë, kanë prirje ekstremiste