Përpjekja e gjashtë për konstituimin e Kuvendit, Limaj: S’e votojmë Haxhiun

Seanca e gjashtë për konstituimin e legjislaturës së nëntë të Kuvendit të Kosovës do të mbahet këtë të premte në orën 10:00.

Kreu i Nismës Socialdemokrate, Fatmir Limaj, tha se partia e tij nuk ka ndryshuar qëndrim nga herat e kaluara dhe se as në seancën e sotshme konsituive nuk do ta përkrahë propozimin që Albulena Haxhiu të bëhet kryeparlamentarja e re e Kuvendit të Kosovës.

“Qëndrimi dhe votimi është ashtu siç ka qenë edhe herën e kaluar”, tha Limaj.

Edhe seputeti i Lidhjes Demokratike të Kosovës, Armend Zemaj, e ka përsëritur se partia e tij nuk do ta votojë kandidaten e Lëvizjes Vetëvendosje për kryetare të Kuvendit, Albulena Haxhiu.

“Sigurisht që do të votojmë kundër. Lëvizja Vetëvendosje e ka sjellë vendin në këtë situatë duke u sjellë sikur një parti e cila e ka fituar e vetme vullnetin e qytetarëve të Kosovës”, tha ai.

I pyetur nëse LDK-ja ka vullnet për kandidat konsensual, ai tha se “nuk mund të ketë kandidat konsensual derisa arroganca dhe mënyra sesi bën politikë [Vetëvendosje] ose si tenton kapjen e institucioneve… konsensuesi për ndonjë emër të përveç është i pamundur”.

LEXONI GJITHASHTU:

• Limaj: Shumë shpejt do të konstituohet Kuvendi dhe Qeveria
• ​Limaj pyetet nëse do të jetë kandidat për kryeparlamentar