Rama në Peshkopi: Përfunduam ‘Rrugën e Arbrit’, Dibra një lagje e Tiranës tani

Kryeministri Edi Rama, ka zhvilluar takimin e radhës elektoral me qytetarët në Peshkopi. Gjatë fjalës së tij Rama u ndal tek Ruga e Arbrit, për të cilin u shpreh i lumtur që tashmë ka përfunduar duke e bërë Dibrën tashmë një lagje të Tiranës.

Më tej, ai theksoi se edhe segmenti Maqellarë- Peshkopi, është tashmë i përfunduar dhe se rruga e re lidh Dibrën me Tiranën më shpejt se kurrë më parë.

“Përfundimisht nuk vij më në Dibër duke thënë se do bëj Rrugën e Arbrit, tunelin e Murrizit. E keni nga hoteli i Astritit deri në Tironë, plumb pushke. Jeni lagje e Tiranës”, u shpreh Rama, duke theksuar se është krijuar një distancë e shkurtër.

“Më vjen mirë që dhe segmenti Maqellarë është i përfunduar. Përfundimisht nuk vij më në Dibër duke thënë se do bëj rrugën e Arbrit, tunelin e Murrizit. E keni nga hoteli i Astritit deri në Tironë, plumb pushke. Jeni lagje e Tiranës”, shton ai.

Nga ana tjetër, duke kaluar tek zgjedhjet e 11 majit, Rama vë në dukje se me votën për PS-në, qytetarët shqiptarë do e kenë të mundur futjen në BE, duke sjellë një horizont dhe mundësi të reja, veçanërisht për të rinjtë.

“Në 11 maj  duhet ndarë Shqipëria me BE-në në Europë brenda kësaj dekade, shqiptarët të barabartë të BE-së apo Shqipëria mbrapsht prap në gropë dhe shqiptarët prap jashtë Europës, qytetarë të huaj në kontinentin ku janë një nga popujt më të vjetër që Zoti e ka dashur të jetojmë mes Europës.

Shqipëria në BE është një Shqipëri tjetër, e re, një horizont i ri, një shpresë për të gjithë sidomos për gjeneratën e re. Shqipëria në BE nuk është më vetëm. Nëse sot kemi bërë shumë punë më mbështetjen e BE-së në disa sektorë, e gjithë ndihma e tyre ndër vite ka qenë mbi një miliardë euro”, nënvizon kryeministri Rama.

LEXONI GJITHASHTU:

• “Florenc Çapja u dëbua nga Dubai, nuk u ekstradua”, eksperti tregon arsyet
• VIDEO\ Mbërrin në Rinas i shumëkërkuari i drejtësisë, Florenc Çapja