Ajola Xoxa paraqitet në SPAK për masën e sigurisë “detyrim paraqitjeje”

Ajola Xoxa, bashkëshortja e kryebashkiakut të Tiranës Erion Veliaj është paraqitur këtë të hënë në Prokurorinë e Posaçme.

Paraqitja e saj lidhet me masën e sigurisë “detyrim paraqitje”, e caktuar ndaj saj në kuadër të një hetimi të nisur nga SPAK. Ajo po hetohet për dyshime se ka përfituar në mënyrë të paligjshme fonde publike për përfitim personal.

Xoxa është shoqëruar në SPAK nga avokati Dritan Jahja, nga ku pritet të japë sërish shpjegime mbi pyetjet e hetuesve.

Hetimet po vijojnë për të zbardhur mekanizmat e këtyre përfitimeve të dyshuara, si dhe për të identifikuar rolin e mundshëm të personave të tjerë të përfshirë në këtë çështje.

LEXONI GJITHASHTU:

• Shijak, kapet 32-vjeçari i dënuar me 10 vjet burg për dhunë seksuale ndaj të miturve
• Kurti i dërgon letër Abdixhikut: Ftesë zyrtare për bashkëqeverisje me LDK-në