Krimet zgjedhore, pas Shkodrës, Dumani zbarkon në Prokurorinë e Lezhës

Kreu i Prokurorisë së Posaçme Altin Dumani zhvilloi të enjten një takim me drejtues të Prokurorisë së juridiksionit të Përgjithshëm dhe drejtuesit e policisë vendore të qarkut Lezhë.

Takimi i kreut të SPAK me drejtuesi e drejtësisë këtë qark vijnë fill pas takimit që Dumani zhvilloi në Prokurorinë e Shkodrës në qendër të të cilit ishin hetimet e SPAK lidhur me krimet zgjedhore.

Kreu i Prokurorisë së Posaçme Kundër Korrupsionit dhe Krimit të Organizuar, Altin Dumani, shkoi me urgjencë paraditen e së enjtes në Shkodër për të ndjekur nga afër një operacion të gjerë hetimor që po zhvillohet në kuadër të krimeve zgjedhore.

Burime nga Policia e Shkodrës bëjnë me dije se personat që po procedohen penalisht janë anëtarë të Shtabit Elektoral të Partisë Social Demokrate të drejtuar nga Tom Doshi.

LEXONI GJITHASHTU:

• Rama në Gramsh: Altin Dumani po bën drejtësi me “shpatën” që i dhamë ne
• Berisha: Shënimi që i lashë Dumanit kur shkova në SPAK