McAllister në mbështetje të Tabakut: Partnere e palëkundur për integrimin europian

Vetëm dy ditë përpara zgjedhjeve parlamentare të 11 majit, David McAllister, Zëvendëspresident i Partive Popullore Evropiane  dhe kryetar i Komisionit për Punët e Jashtme në Parlamentin Evropian, ka dhënë një mesazh të drejtpërdrejtë mbështetjeje për Jorida Tabakun dhe Partinë Demokratike të Shqipërisë.

Në një videomesazh të publikuar nga Tabaku, McAllister vlerësoi rolin e deputetes në proceset integruese dhe apeloi ndaj zgjedhësve ta mbështesin në mënyrë që ajo të vijojë punën e saj.

“Jorida ka qenë gjithmonë një forcë e vërtetë nxitëse për integrimin evropian të Shqipërisë. Ju lutem sigurohuni që të dielën ajo të mund të vazhdojë punën e saj të madhe,” tha McCallister.

Ai e përshkroi Tabakun si një figurë kyçe në marrëdhëniet mes EPP dhe Partisë Demokratike, duke thënë:

“Gjatë viteve, Jorida Tabaku ka qenë një kontakt kyç për ne në Parlamentin Evropian dhe veçanërisht në EPP. Me punën dhe përkushtimin e saj, ajo ka ndërtuar ura dhe ka luajtur një rol thelbësor në forcimin e marrëdhënieve midis Partisë Demokratike të Shqipërisë dhe EPP.”

Tabaku, e cila garon në listën e hapur të PD në Qarkun e Tiranës, ka shpërndarë videomesazhin e McAllister në rrjetet sociale, duke e falënderuar publikisht për mbështetjen që i ka dhënë asaj personalisht dhe Partisë Demokratike në këtë garë elektorale.

 

View this post on Instagram

 

A post shared by Jorida Tabaku (@jorida.tabaku)

LEXONI GJITHASHTU:

• “Berisha nuk ka dalë nga lista e zezë e SHBA”, Buzhala: Është thjesht leje për vizë
• Ka rënë apo jo “non grata” për Berishën? Koka: De facto po, ja kur bie edhe de jure