Sherr në një QV në Pogradec, simpatizanti i PD qëllon me grusht komisionerin

Një incident ka ndodhur në një qendër votimi pranë shkollës “Esat Minarolli”, në Pogradec.

Sipas informacioneve një simpatizant i Partisë Demokratike ka goditur me grushta një komisioner në Qendrën e Votimit  i cili përket Partisë Socialiste.

Sipas të dhënave shtetasi në fjalë është shoqëruar nga policia e Pogradecit.

Njoftimi i policisë:

Rreth orës 10:20, shtetasi E. G., që është komisioner në qendrën e votimit nr.3901/00 Pogradec, ka njoftuar tek salla operative, se brenda ambienteve të qendrës së votimit është goditur nga shtetasi L. T.,

Menjëherë është shkuar në afërsi të qendrës së votimit, dhe është bërë shoqërimi i shtetasit L. T., për në ambientet Komisariatit.

Në Komisariat është paraqitur dhe shtetasi E. G., për të bërë kallëzim.

Grupi hetimor po punon për zbardhjen e rrethanave dhe dokumentimin ligjor të rastit.

LEXONI GJITHASHTU:

• Fredi Beleri voton si eurodeputet në Himarë: Zgjedhjet janë festë e demokracisë
• Kryetari i Komisionit kërcënon gazetaren, u kërkon kolegëve ta nxjerrin me forcë